Ballina
INFORMATË ME RËNDËSI
Takimi i Bordit të Granteve dhe Çmimeve (GAB), i paraparë të mbahet ne muajin mars 2012 është shtyrë për datën 10 prill 2012. Në këtë takim do të shqyrtohen vetëm aplikacionet për Grante Institucionale, të pranuara para datës 20 mars 2012.
Aplikacionet për Grante për Projekte nuk do të shqyrtohen deri në takimin e GAB të muajit qershor 2012.
Takimi i ardhshëm i GAB do të mbahet më 10 prill 2012. Në takimin e muajit prill 2012 GAB do te diskutojë dhe vendosë vetëm për aplikacionet për Grante Institucionale dhe Koncept Dokumente, ndërsa aplikacionet për Grante për Projekte të pranuara pas datës 15 nëntor 2011 e deri në muajin maj 2012 do të shqyrtohen në takimin e GAB në qershor 2012. Të gjitha aplikacionet për Grante Institucionale të pranuara para datës 20 mars 2012 do të shqyrtohen në takimin e GAB të muajit prill 2012.
Zyra Zvicerane për Bashkëpunim në Kosovë (SCO-K) përmes projektit për Promovim të Shoqërisë Demokratike (DSP) që implementohet nga Fondacioni Kosovar për Shoqëri Civile (KCSF) – ofron përkrahje financiare për nisma që përputhen me fushat e këtij programi.
Projekti për Promovim të Shoqërisë Demokratike (DSP) synon të përkrahë zhvillimin e shoqërisë demokratike në Kosovë.
Projekti synon të përkrahë nisma, projekte apo aktivitete që vijnë nga shoqëria civile, por edhe nga institucionet akademike dhe organizatat profesionale që kanë potencial të kontribuojnë në ndryshime thelbësore në shoqëri në nivelin kombëtar, rajonal dhe lokal.
Fushat programore të cilat do të përkrahen nga DSP janë:
• Rritja e pjesëmarrjes qytetare dhe përmirësimi i transparencës dhe llogaridhënies së institucioneve kosovare.
• Përmirësimi i bashkëjetesës ndër-etnike dhe integrimi i komuniteteve jo-shumicë në një Kosovë shumë-etnike.
• Avancimi i barazisë gjinore në Kosovë.
Instrumentet kryesore për përkrahje janë:
• Grante për projekte
• Grante institucionale
• Çmime
DSP do të mbulojë gjithë territorin e Kosovës, ndërsa shuma e përgjithshme e projektit është 1,195,086.21 EUR.